سیالکوٹ 26فروری/پاکستان مسلم لیگ ن کے مرکزی رہنما و رکن قومی اسمبلی خواجہ محمد آصف نے کہا ہے کہ نالہ ایک پر اراضی یعقوب پر پُل کی تعمیر کرکے ہماری حکومت نے شہریوں کا درینہ مطالبہ پورا کردیا ہے ۔ یہ بات انہوں نے آج نالہ ایک پر تعمیر کئے جانے اراضی یعقوب پُل کا افتتاح کرنے کے بعد اہل علاقہ سے خطاب کرتے ہوئے کہی۔ اس موقع پر معاون خصوصی وزیر اعلیٰ پنجاب /صوبائی وزیر خوراک و ماحولیا ت محمد منشاء اللہ بٹ، اراکین صوبائی اسمبلی چوہدری محمد اخلاق، رانا آصف محمود اور بیگم نسیم ناصر ، ٹی ایم او سیالکوٹ ظفرقریشی ،ایڈمنسٹریٹر مارکیٹ کمیٹی سیالکوٹ چوہدری سیف اللہ، چیئرمین ضلعی زکوۃ کمیٹی سیالکوٹ میاں سہیل،ارشد بٹ، مشتاق میر، شیخ ناصر، سابق کونسلر خالد جرنیل ، مہر عامر، طارق میر بھول، فرخ حفیظ اور سابق میئر اورنگزیب شاہ جی کے علاوہ بڑی تعداد میں معززین شہر بھی شریک تھے۔ بعد ازاں خواجہ محمد آصف نے خان محل روڈ اور بابل شہیدقبرستان میں نئے ٹیوب ویلز کا بھی افتتاح کیا
No comments:
Post a Comment