Sunday, March 4, 2012
04مارچ(بیورو ر پورٹ)معاون خصوصی وزیر اعلیٰ پنجاب/صوبائی وزیر خوراک و ماحولیات محمد منشاء اللہ بٹ نے کہا ہے کہ سرکاری ہسپتالوں میں عوام الناس کو علاج معالجے کی ہر ممکن سہولیات فراہم کی جارہی ہیں اور اس سلسلہ میں فرائض میں غفلت اور عدم دلچسپی کا مظاہرہ کرنے والے افسران اور ملازمین کے ساتھ کسی قسم کی رعایت نہیں برتی جائے گی ۔ انہوں نے یہ بات آج ضلعی ہیڈ کوارٹر ہسپتال سیالکوٹ کے اچانک دورہ کے دوران وہاں میں علاج کے غرض سے آئے ہوئے مریضوں سے گفتگو کرتے ہوئے کہی ۔۔ محمد منشاء اللہ بٹ نے ہسپتال میں صفائی ستھرائی کے مناسب انتظامات نہ ہونے اور سٹاف کی جانب سے مریضوں کے ساتھ غیر اخلاقی رویہ کا سخت نوٹس لیتے ہوئے ، ایڈیشنل ایم ایس کو ان کے خلاف قانون کے مطابق کارروائی کرنے کی ہدایت کی۔ انہوں نے کہا کہ مریضوں کے ساتھ غیر اخلاقی رویہ ہرگز برداشت نہیں کیا جائے گا۔انہوں نے یہ بھی ہدایت کی کہ وہ ایمرجنسی میں مریضوں کو فوری طبی امداد فراہم کرنے میں کوتاہی کرنے والوں کے خلاف سخت کارروائی عمل میں لائی جائے گی۔ انہوں نے کہا شعبہ صحت کے ملازمین دکھی انسانیت کی خدمت کو اپنا شعار بنائیں
Subscribe to:
Post Comments (Atom)
No comments:
Post a Comment